2024 оны 09-р сарын дунд 10 хоногийн цаг агаарын нөхцлийн тойм

2024 ОНЫ ЕСДҮГЭЭР САРЫН ДУНД АРАВ

ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч арав хоногт  Их нууруудын хотгорын болон Алтайн өвөр говийн сумдын нутгаар агаарын дундаж температур  9.2-13.1 градус, өндөр уулын сумдын нутгаар 5.8-10.7 градус дулаан байсан. Нийт нутгаар өдөртөө хамгийн дулаан нь 19-25 градус, хамгийн бага температур шөнөдөө 6 градус хүйтнээс  3 грудас  дулаан байв. 30 градусаас давж халсан өдөр нийт нутгаар ажиглагдаагүй.

Хөрсний температур(Soil temperature): Нийт нутгаар хөрсний дундаж температур 9-18 градус дулаан байв. Хөрсний хамгийн их температур  өдөртөө нийт нутгаар 39-52 градус дулаан, хамгийн бага температур шөнөдөө  -8 градус хүйтнээс 0 градус дулаан байсан. Хөрсөн дээр Мөнххайрхан, Дуут сумдад +40 градусаас дээш гарч халсан өдөр ажиглагдаагүй ба бусад нутгаар 1-7 өдөр ажиглагдсан. Хамгийн олон өдөр Булган суманд 7 өдөр ажиглагдсан.  Дуут, Эрдэнэбүрэн  сумдад хөрсөн дээр -7 градус хүрч хүйтэрсэн байна

 Хур тунадас(Precipitаtion): Энэ арав хоногт нийт нутгаар 116.5 мм тунадас орсон нь олон жилийн дундажаас ахиу хэмжээтэй байлаа. Тунадас орсон сумдыг авч үзвэл: Чандмань суманд хамгийн их буюу 21.7мм, Дуут суманд 11.3 мм, Мөнххайрхан суманд 10.8 мм, Манхан суманд 9.5 мм, Мөнххайрханд 8.2 мм, Жаргалант, Үенч, Алтай, сумдад 8.1-8.8 мм, Зэрэг, Булган, Ховд, Эрдэнэбүрэн сумдын нутгаар 5.6-7.4 мм, бусад сумдын нутгаар 0.9-4.5 мм тунадас оржээ.

 Салхи(Wind):  Энэ 10 хоногт салхи шуурга багатай байлаа. Салхины их хурд  Ховд суманд секундэд 21 метр, Цэцэг суманд 17 м/с, Жаргалант, Чандмань сумдад 16 м/с, Зэрэг, Мөст сумдад 15 м/с хүрч хүчтэй шороон шуургатай байсан бол бусад  сумдын нутгаар секундэд 6-14  метр хүрч зөөлөн явган шуургатай байжээ.

 Ургамал(Plant): Нийт сумдын нутгаар бэлчээрийн ургамал хаталт хагдралт болсон. Хамгийн сүүлд Мянгад, Ховд, Чандмань сумдад ургамал хаталт хагдралт болсон.

ХАА-н үйлдвэрлэлд явагдаж байгаа ажил:  Нийт  сумдад сүү цагаан идээ боловсруулах, мал оторлох,хадлан тэжээл бэлтгэх,малд тарилга туулга хийх зэрэг  ажил нийт нутгаар үргэлжилж байна. Газар тарианлангийн үйлдвэрлэлд хүнсний бүх төрлийн ногоог хурааж борлуулах зэрэг  явагдаж байна. Тус ажил үйлчилгээ явуулахад  цаг агаарын байдал  таатай нөлөөлсөн.

 Цаг агаарын нөхцлийн онцлог:

• Энэ 10 хоногт нийт нутгаар 116.5   мм бороо орсон.
• Нийт нутгаар агаарын дундаж температур 5.8-13.1 градус дулаан байлаа.
• Хөрсний гадрага дээр +40 градусаас дээш гарч халсан өдөр Мөнххайрхан, Дуут сумдаас бусад сумдын нутгаар 1-7 өдөр ажиглагдсан.
• Бэлчээрийн ургамал нийт нутгаар хаталт хагдралт болсон.

Тойм мэдээ бичсэн ХААЦУС-ын техникч Ж.Жаргалзаяа

 2024 оны 9 дугаар сарын 24