Урьдчилсан мэдээ > Улирлын төлөв

Улирлын төлөв

Шинэчлэгдсэн: 2019-10-18 22:29:34

2019-2020 оны хүйтний улирлын цаг агаарын урьдчилсан төлөв

Аравдугаар сард. Уур амьсгалын дунджаар агаарын температурын сарын дундаж нь Алтайн уулархаг нутгаар -2....-10 градус хүйтэн, Алтайн өвөр говиор +4....+9 градус дулаан, бусад нутгаар -1 градус хүйтнээс +4 градус дулаан байдаг.

Энэ сард агаарын дундаж температур ихэнх нутгаар уур амьсгалын дунджийн орчим байх төлөвтэй. (3 дугаар зураг).

Орох тунадасны хувьд: Уур амьсгалын дунджаар Их нууруудын хотгороор 3-6мм, бусад нутгаар 6-9мм хүртэл хур тунадас ордог.

Энэ сард ихэнх нутгаар уур амьсгалын дунджаас ахиу хур тунадас орох төлөвтэй. ( 4 дүгээр зураг).

Арваннэгдүгээр сард.  Уур амьсгалын дунджаар агаарын температурын сарын дундаж нь Алтайн уулархаг нутгаар -12....-20 градус хүйтэн, Алтайн өвөр говиор 2....8 градус дулаан, бусад нутгаар -8....-12 градус хүйтэн байдаг.

Энэ сард нутгийн өмнөд хэсгээр уур амьсгалын дунджийн орчим, бусад нутгаар уур амьсгалын дунджаас 1.5-2.0 градус дулаан байх төлөвтэй. (5 дугаар зураг).

Орох тунадасны хувьд: Уур амьсгалын дунджаар ихэнх нутгаар 1-4мм хүртэл хур тунадас ордог.

Энэ сард ихэнх нутгаар уур амьсгалын дунджийн орчим хур тунадас орох төлөвтэй. (6 дугаар зураг).

Арванхоёрдугаар сард.  Уур амьсгалын дунджаар агаарын температурын сарын дундаж нь -16.....-24 градус хүйтэн байдаг.

Энэ сард ихэнх нутгаар уур амьсгалын дунджийн орчим байх төлөвтэй. (5 дугаар зураг).

Орох тунадасны хувьд: Уур амьсгалын дунджаар ихэнх нутгаар 0-2мм хүртэл хур тунадас ордог.

Энэ сард ихэнх нутгаар уур амьсгалын дунджийн орчим цас орох төлөвтэй. (6 дугаар зураг).

Нэгдүгээр сард.  Уур амьсгалын дунджаар агаарын температурын сарын дундаж нь      -16.....-24 градус хүйтэн байдаг.

Энэ сард агаарын температур ихэнх нутгаар уур амьсгалын дунджийн орчим байх төлөвтэй. (5 дугаар зураг).

Орох тунадасны хувьд: Уур амьсгалын дунджаар ихэнх нутгаар 0-2мм хүртэл хур тунадас ордог.

Энэ сард ихэнх нутгаар уур амьсгалын дунджийн орчим цас орох төлөвтэй. (6 дугаар зураг).

Хоёрдугаар  сард.  Уур амьсгалын дунджаар агаарын температурын сарын дундаж нь нутгийн өмнөд хэсгээр -6....-12 градус, бусад  нутгаар -12.....-22 градус хүйтэн байдаг.

Энэ сард нутгийн хойд хэсгээр уур амьсгалын дунджийн орчим, бусад нутгаар уур амьсгалын дунджаас 1.5-2.0 градус дулаан байх төлөвтэй. (5 дугаар зураг).

Орох тунадасны хувьд: Уур амьсгалын дунджаар ихэнх нутгаар 0-2мм хүртэл хур тунадас ордог.

Энэ сард ихэнх нутгаар уур амьсгалын дунджийн орчим цас орох төлөвтэй. (6 дугаар зураг).

Хүйтний улирлын цаг агаарын урьдчилсан төлвөөр агаарын температур ихэнх нутгаар дунджийн орчим байх төлөвтэй. Хур тунадас улирлын эхээр ихэнх нутгаар олон жилийн дунджаас ахиу, бусад хугацаанд олон жилийн дунджийн орчим орох төлөвтэй байна. Энэ жилийн бэлчээрийн ургац, малын тоо, бэлчээрийн талбай зэрэг мэдээлэл дээр тулгуурлан 2019-2020 оны өвөл, хаврын бэлчээрийн даацыг тодорхойлсон мэдээгээр нутгийн 40 гаруй хувьд өвөл-хаврын бэлчээрийн даац хүрэлцээтэй байх хэдий ч зарим үед ахиу цас орох, хэт хүйтрэх,  бэлчээр мөстөх нөхцөл бүрдэж болзошгүй байна. Мөн нутгийн 60 шахам хувийг хамарсан бэлчээрийн хүрэлцээ муу байгаа нутгуудад отор нүүдэл хийх, хадлан тэжээл бэлтгэх, татаж байршуулах ажлыг цас орж, цасан бүрхүүл тогтох, уул даваа хаагдах, хүйтрэхээс өмнө эртнээс зохион байгуулах шаардлагатай байна.

 

УЦУОШТ