Урьдчилсан мэдээ > Улирлын төлөв

Улирлын төлөв

Шинэчлэгдсэн: 2024-03-19 14:57:24

2024 ОНЫ 03 ДУГААР САРААС 05 ДУГААР САРЫН УРЬДЧИЛСАН ТӨЛӨВ

      Гуравдугаар сард. Сарын дундаж агаарын температур ОЖД–аар Уулархаг нутгаар -6...-14 градус, бусад нутгаар 0...-6 градус хүйтэн байдаг байна. 2024 оны 3 дугаар сарын агаарын дундаж температур Алтайн өвөр говиор ОЖД–аас дулаан, бусад нутгаар ОЖД-ийн орчим байх төлөвтэй байна. (Зураг 1).

Сарын нийлбэр хур тунадас ОЖД–аар нийт нутгаар 0–1 мм цас ордог байна. 2024 оны 3 дугаар сарын нийлбэр хур тунадас (цас) нийт нутгаар ОЖД-аас бага хур тунадас орох төлөвтэй байна. (Зураг 2).

           

 

 

      Дөрөвдүгээр сард. Сарын дундаж агаарын температур ОЖД-аар Уулархаг нутгаар +2 градус хүйтнээс -4 градус дулаан, бусад нутгаар +4...+10 градус дулаан байдаг байна. 2024 оны 4 дүгээр сарын агаарын дундаж температур нийт нутгаар ОЖД-аас дулаан байх төлөвтэй байна (Зураг 3).

Сарын нийлбэр хур тунадас ОЖД–аар нийт нутгаар 0–1 мм цас ордог байна. 2024 оны 4 дүгээр сарын нийлбэр хур тунадас нийт нутгаар ОЖД-аас бага хур тунадас орох төлөвтэй байна (Зураг 4).

           

 

 

 

      Тавдугаар сард. Сарын дундаж агаарын температур ОЖД–аар нийт нутгаар +10...+15 oС дулаан байдаг. 2024 оны 05 дугаар сарын агаарын дундаж температур нийт нутгаар ОЖД-ийн орчим байх төлөвтэй байна (Зураг 5).

 

Сарын нийлбэр хур тунадас ОЖД–аар  4–10 мм цас ордог байна. 2024 оны 5 дугаар сарын нийлбэр хур тунадас нийт нутгаар дунджийн орчим цас орох төлөвтэй байна (Зураг 6).

 

 

Зөвлөмж

Агаарын дундаж температур: III сард нутгийн баруун хэсгээр ОЖД–аас дулаан, IV дугаар сард нутгийн баруун хэсэгт ОЖД-аас дулаан байх төлөвтэй байна. V сард нийт нутгаар ОЖД–ийн орчим байх төлөвтэй байна.

Хур тунадас: III, IV сард баруун аймгуудын нутгаар ОЖД-аас бага байх төлөвтэй байна.