Урьдчилсан мэдээ > Сарын төлөв

Сарын төлөв

Шинэчлэгдсэн: 2019-06-19 20:21:55

2019 ОНЫ  06 САРЫН ЦАГ АГААРЫН

УРЬДЧИЛСАН МЭДЭЭ

Агаарын температурын сарын дундаж нь уулархаг нутгаар  13-18 градус, бусад нутгаар 16-21 градус дулаан буюу дунджаас 1-2 градусаар дулаан байх төлөвтэй байна.  /зураг 1, 2/

Энэ сард нийт нутгаар дунджаас бага бороо орох төлөвтэй. /зураг 3, 4/

Алтайн өвөр говийн нутгаар, Их нууруудын хотгороор: Нэг ба гуравдугаар арав хоногийн дунд үеэр шөнөдөө 15-20 градус, өдөртөө халж 30-35 градус дулаан байна. Нэг, хоёр ба гуравдугаар арав хоногийн эхэн, дунд үеэр сэрүүсч, шөнөдөө 5-10 градус, өдөртөө 20-25 градус дулаан байна. Бусад хугацаанд шөнөдөө 12-17 градус, өдөртөө 27-32 градус дулаан байна.

 

            Алтайн уулархаг нутгаар: Нэг ба гуравдугаар арав хоногийн дунд үеэр шөнөдөө 8-13 градус, өдөртөө 19-24 градус дулаан байна. Нэг, хоёр ба гуравдугаар арав хоногийн эхэн, дунд үеэр сэрүүсч, шөнөдөө 2 градус дулаанаас 3 градус хүйтэн, өдөртөө 6-11 градус дулаан байна. Бусад хугацаанд Алтай шөнөдөө 3-8 градус, өдөртөө 16-21 градус дулаан байна.

 

Хур тунадас: Нэгдүгээр арав хоногийн эхэн, хоёрдугаар арав хоногийн дунд, гуравдугаар арав хоногийн эхэн ба сүүлчээр ихэнх нутгаар бороо орно. Дуу цахилгаантай.

 

Салхи шуурганы хувьд: Дээрх бороо орох үеүдэд салхи зарим газраар 12-14 м/с, зарим үед дуу цахилгааны өмнө 19-24 м/с хүрч түр зуур ширүүсч болзошгүй.

 

 

Хөдөө аж ахуйн үйлдвэрлэлд нөлөөлөх нь

 

            2019 оны 6 дугаар сарын цаг агаарын урьдчилсан мэдээгээр агаарын дундаж температур нь нутгийн өмнөд хэсгээр болон их нууруудын хотгороор дунджаас дулаан, орох хур тунадасны хувьд ихэнх нутгаар олон жилийн дунджаас бага орохоор байна.