2024 ОНЫ АРВАН НЭГДҮГЭЭР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

2024 ОНЫ АРВАН НЭГДҮГЭЭР САРЫН ДУНД АРАВ

ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч арав хоногт  Их нууруудын хотгорын сумдаар 2.0-4.4 градус хүйтэн, Алтайн өвөр говийн сумдын нутгаар 6.2-6.9 градус хүйтэн, өндөр уулын сумдаар 5.3-7.2 градус хүйтэн байсан. Агаарт хамгийн их температур нийт нутгаар өдөртөө 1-14  градус дулаан, хамгийн бага температур шөнөдөө 13-20 градус хүйтэн байв. Агаартаа хамгийн хүйтэн нь Алтай суманд /-20/ ажиглагдлаа.

Хөрсний температур(Soil temperature): Нийт нутгаар хөрсний дундаж температур 2-8 градус хүйтэн байв. Хөрсний хамгийн их температур  өдөртөө нийт нутгаар 3-27 градус дулаан, хамгийн бага температур шөнөдөө 15-22 градус хүйтэн  байсан. Хамгийн хүйтэн Булган суманд -27 градус хүйтэн ажиглагдлаа.

 Хур тунадас(Precipitаtion): Энэ арав хоногт Алтай /5.3мм/, Булган /2.8мм/, Үенч /2.7мм/, Дуут /0.0мм/ сумдад нийт 10.8 мм тунадас, цас орлоо. Бусад сумдын нутгаар хур тунадас, цас ороогүй.

Цас(Snow): 11 дүгээр сарын 20-ны байдлаар Алтай, Булган, Үенч сумдын нутгаар битүү цасан бүрхүүлтэй, цасны зузаан Булган суманд 2 см, Алтай, Үенч суманд тус тус 6 см зузаан, бусад сумдын нутгаар цасан бүрхүүл тогтоогүй байна.  Салхи(Wind): 10 хоногийн эхээр салхи шуургатай байлаа. Салхины их хурд секундэд Ховд суманд 32 метр хүрч онц аюултай үзэгдлийн хэмжээнд хүрч шуурсан бол Чандманьд 28 м/с, Жаргалантад 27 м/с,  Мөнххайрхан, Зэрэг, Дарви, Эрдэнэбүрэн, Мянгад, Дөргөн, Дуут сумдад 24 м/с, Мөстөд 21 м/с, Манхан, Цэцэг сумдад салхины хурд 17 м/с хүрч аюултай үзэгдлийн хэмжээнд хүрч шуурлаа.  Булган суманд секундэд 12 м хүрч зөөлөн, цасан шуургатай, Алтай,Үенч сумдад 2-6 м/с салхитай байлаа.

ХАА-н үйлдвэрлэлд явагдаж байгаа ажил:  Нийт  сумдад мал хээлтүүлэх,  оторлох, муу бага малд нэмэлт тэжээл өгөх, хужир шүү бэлтгэх, малд тарилга туулга хийх зэрэг болон мал аж ахуйн бусад ажил үргэлжилж байна. Газар тарианлангийн үйлдвэрлэлд хүнсний бүх төрлийн ногоог худалдах, борлуулах ажил  явагдаж байна. Тус ажил үйлчилгээ явуулахад  цаг агаарын байдал  таатай нөлөөлсөн.

 Цаг агаарын нөхцлийн онцлог:

• Энэ 10 хоногт  Алтай,Үенч, Булган, Дуут сумдад нийт 10.8 мм цас орсон. Бусад нутгаар тунадас ороогүй.

• 10 хоногийн эхээр салхи шуургатай байлаа. Салхины хамгийн их хурд Ховд суманд 32 м/с хүрсэн.
• Нийт нутгаар агаарын температур 2.0-7.2  градус хүйтэн байлаа.  

Тойм мэдээ бичсэн ХААЦУС-ын ахлах техникч Ц.Нямбаяр

 2024 оны 11 дугаар сарын 21-нд