2024 ОНЫ ГУРАВДУГААР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature):  Өнгөрөгч арав хоногт агаарын дундаж температур Их нууруудын хотгорын сумдаар 3.0-6.2 градус дулаан,  Алтайн өвөр говийн сумдын нутгаар 3.8-4.0 градус дулаан, Өндөр уулын сумдаар 1 градус хүйтнээс 3 градус дулаан байлаа.  Агаарын хамгийн их температур өдөртөө 12-22 градус дулаан, хамгийн бага температур  шөнөдөө нийт сумдын нутгаар 5-16 градус  хүрч хүйтэрсэн бол хамгийн хүйтэн Дуут суманд -16 градус  байлаа. Нийт нутгаар -30.0 градусаас доош орж  хүйтэрсэн хоногийн тоо  ажиглагдаагүй. Ихэнх  нутгаар дулаарсан.

Хөрсний температур(Soil temperature): Нийт нутгаар хөрсний дундаж температур 2-12 градус дулаан байв. Хөрсний гадрага дээр хамгийн их температур  өдөртөө 32-44 градус дулаан, Булган,Цэцэг сумдад хөрсөн дээрээ 43-44  градус хүрсэн.  Хамгийн бага температур шөнөдөө 4-20  градус хүйтэн, хамгийн хүйтэн Дуут суманд 20 градус хүйтэн байлаа.Хөрсөн дээрээ +40 градусаас дээших өдрийн тоо Булган, Дарвид 3, Цээцэгт 2, Манханд 1 өдөр тус тус ажиглагдлаа.

 Хур тунадас(Precipitаtion): Энэ арав хоногт зарим сумдын нутгаар цас, нойтон цас орсон. Цэцэгт 0.6 мм, Үенчид 0.1 мм  тунадас орсон. Бусад сумдын нутгаар цас ороогүй.                                   

Салхи(Wind): Өнгөрөгч арав хоногийн сүүлээр нийт нутгаар хүчтэй салхи шуургатай байлаа.  Салхины хамгийн их хурд секундэд Ховд суманд 22 м/с, Эрдэнэбүрэнд 20 м/с, Мөстөд 19 м/с, Жаргалант, Чандмань, Зэрэг, Дөргөн, Мянгад, Цэцэг сумдад 16-18 м/с хүрч хүчтэй цасан болон шороон шуурга  шуурлаа. Бусад сумдын нутгаар 10-14  м/с зөөлөн шороон шуурга шуурсан байна.  Ууларахаг нутгаараа хүчтэй шуурлаа.  

Цас(Snow): 3 дугаар сарын 31-ны цасны хээрийн хэмжилтээр нийт нутгаар цасгүй байлаа. Алтайн салбар уулсаар тарлантсан бага зэргийн цастай.

ХАА-н үйлдвэрлэлд явагдаж байгаа ажил: Нийт сумдад бог,бод мал төллөж байна. Мөн тарга тэвээрэг муутай малд өвс,  нэмэгдэл тэжээл өгөх, хаваржилтын бусад ажил үргэлжлэн явагдаж байна. Тус ажил үйлчилгээ явуулахад  цаг агаарын нөхцөл таатай бус  салхи шуурга ихтэй байлаа. Ихэнх  сумуудаар салхи шуурга ихтэй байснаас төл мал даарч бээрэх, зарим сумдад мал хорогдох зэрэг таагүй нөхцөл бүрдсэн. Ихэнх  сумдад малын хорогдол гарсан. Нийт нутгаар өмнөх хоногуудаас харьцангуй дулаарсан.

 Цаг агаарын нөхцлийн онцлог:

•  Энэ арав хоногт  зарим сумдын нутгаар 0.7  мм цас  орсон.
•  Салхины их  хурд   10-22 м/с хүрсэн. Ховд суманд 22 м/с хүрсэн.
• Ихэнх  сумдад  малын хорогдол гарсан мэдээ ирүүлсэн байна.
•  Хамгийн олон Дөргөнд 5055 толгой мал хорогдсон байна.

                 Тойм мэдээ бичсэн ХААЦУ-ын ахлах техникч Ж.Жаргалзаяа                                           

2024 оны 4 дүгээр сарын 01