2020 ОНЫ АРВАНХОЁРДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч арав хоногт  нийт сумдын нутгаар 18.9-25.3 градус, Цэцэг сумын нутгаар 29 градус хүйтэн. Агаарт шөнөдөө нийт сумдын нутгаар 25-33 градус,  Цэцэг суманд -37 градус  хүрч хүйтэрсэн байна.

Хөрсний температур(Soil temperature): Нийт нутгаар хөрсний дундаж температур 20-27 градус хүйтэн байсан. Хөрсөн дээр шөнөдөө  30-38 градус хүрч хүйтэн хоносон байна.

 Хур тунадас(Precipitаtion): Энэ арав хоногт зарим сумдын  нутгаар 6.0 мм цас орсон. Тунадас орсон сумдыг авч үзвэл: Алтай өвөр говийн сумд болох Үенч, Булган, Алтай сумдад 1.4-1.8 мм, , Дуут 0.7 мм, Дарвид 0.4 мм  цас орсон. Бусад сумдаар цас ороогүй.    

Салхи(Wind): Салхины их хурд секундэд Мөнххайрхан 18 метр, Ховд, Мөст сумдаар 15-16 метр хүрч, аюултай үзэгдлийн хэмжээнд хүрсэн бол Жаргалант, Манхан, Цэцэг, Чандмань сумдын нутгаар 12-14 метр хүрч зөөлөн явган шуургатай байлаа. Бусад сумдын нутгаар 2-8 метр салхитай байв.

Цас(Snow): 12 дугаар сарын 20-ны цасны хээрийн хэмжилтээр цасны дундаж зузаан Алтай, Дарви сумдын төвд  3-4 см, Үенч, Булган, Манхан сумдад 1 см,  10 баллын,  Зэрэг, Мөст, Дуут, Цэцэг  сумдын төвд 0 см   4-9 баллын цоохор цастай байна. Жаргалант, Чандмань, Мөнххайрхан, Эрдэнэбүрэн, Ховд, Мянгад, Дөргөн сумуудын төвд  одоогоор цасан бүрхүүл тогтоогүй. Алтайн салбар уулсаа дагасан цастай байна.

 ХАА-н үйлдвэрлэлд явагдаж байгаа ажил:  Нийт сумдад мал оторлох, нэмэгдэл тэжээл өгөх ажил үргэлжилж байна. Тус ажил үйлчилгээ явуулахад  цаг агаарын байдал  таатай нөлөөлсөн.

 Цаг агаарын нөхцлийн онцлог:

• Энэ арав хоногт зарим сумдын нутгаар 6.0 мм цас орсон.
• Салхины их хурд секундэд Мөнххайрхан 18 метр, Ховд, Мөст сумдаар 15-16 метр хүрч, аюултай үзэгдлийн хэмжээнд хүрч  шуурсан.
• Ихэнх сумдын нутгаар цасан бүрхүүл тогтож эхэлсэн.

Тойм мэдээ бичсэн ХААЦУС-ын ахлах техникч Ж.Жаргалзаяа

2020 оны 12 дугаар сарын 21-нд