Үер, усны сэрэмжлүүлэг мэдээ 2

2020 оны 7 дугаар сарын 09-ний  өдрийн байдлаар Монгол Алтайн нуруунаас эхтэй Хар ус нуур- Дөргөн, Буянт-Ховд, Ховд-Мянгад, Булган-Байтаг, Төгрөг-Манхан, Чоно-Харайх-Дөргөн голуудын усны түвшин өмнөх өдрийнхөөс 1-35 см нэмэгдэж, Хар ус-нуур- Дөргөн үерийн түвшнээс 16 см-ээр даван усны түвшин нэмэгдэж  байна. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон анхааруулж байна. Цаашид орох хур борооны эрчимшил хэмжээнээс шалтгаалан наадмын өдрүүдээр гол мөрөн богино хугацаанд үерлэх, жижиг голууд болон хуурай сайраар уруйн үер буух нөхцөл бүрдэнэ. Иймд үер усны аюулаас онцгойлон анхааруулж доорх сэрэмжлүүлгийг хүргэж байна.

Үүнд:

• Гэр, хашаа, саравч, орон байраа гуу жалга, голын ойролцоо барьж суурьшихгүй байх.

• Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах.

• Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх.

• Голын усны түвшин нэмэгдэж, үерийн байдалд шилжсэн үед гармаар зорчихгүй зориулалтын гарцтай газраар зорчих.

ХОВД УЦУОШТөв

2020-07-09