2023 ОНЫ АРАВДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч арав хоногт  Их нууруудын хотгорын болон Алтайн өвөр говийн сумдын нутгаар   6.8-9.6 градус, Өндөр уулын сумдаар 2.2-5.4 градус дулаан. Агаарт хамгийн их температур нийт нутгаар өдөртөө 15-23  градус дулаан, хамгийн бага температур ихэнх нутгаар шөнөдөө 0-12 градус хүйтэн байсан бол хамгийн хүйтэн Дуут суманд 12 градус хүрч хүйтэрсэн байна. Уулархаг нутгаар нэлээд сэрүүн бусад нутгаар харьцангуй дулаан байлаа.

Хөрсний температур(Soil temperature): Энэ 10 хоногт Нийт нутгаар хөрсний дундаж температур 3-12 градус дулаан байв. Хөрсний хамгийн их температур  өдөртөө нийт нутгаар 25-40 градус дулаан, хамгийн бага температур шөнөдөө 2-15 градус хүйтэн, Дуут суманд 15 градус хүрч хүйтэрсэн. Хөрсөн дээр +40 градусаас дээш өдрийн тоо Булган суманд 2 өдөр ажиглагдсан.

 Хур тунадас(Precipitаtion): Энэ арав хоногт  Алтайн өвөр говийн  сумдын нутгаар бага зэргийн  хур тунадас орсон. Бусад нутгаар хур тунадас ороогүй. Тунадас орсон сумдыг авч үзвэл: Булган 0.4 мм, Мөстөд 0.2 мм,  Үенчид 0.1 мм. Нийт нутгаар цасан бүрхүүл тогтоогүй байна.

 Салхи(Wind): 2-р 10 хоногийн дунд үеэр нийт нутгаар салхи шуургатай байлаа. Салхины их хурд  Ховд суманд 26 м/с, Мөстөд 22 м/с, Жаргалант,Чандмань, Зэрэг, Дарви, Эрдэнэбүрэн, Манхан, Мөнххайрхан, Дуут, Цэцэг сумдын нутгаар 16-20 м/с, хүрч хүчтэй шороон шуурга  шуурсан байна. Бусад  сумдын нутгаар секундэд 6-14  метр хүрч зөөлөн явган шуургатай байжээ.

ХАА-н үйлдвэрлэлд явагдаж байгаа ажил:  Нийт  сумдад мал оторлох, хужир шүү бэлтгэх, сааль сүү бэлтгэх, малд тарилга туулга хийх зэрэг  ажил нийт нутгаар үргэлжилж байгаа бол энэ сарын 5-аас бог мал хээлтүүлэх ажил  эхлэн энэ 10 хоногт үргэлжлэн явагдаж байна. Газар тарианлангийн үйлдвэрлэлд хүнсний бүх төрлийн ногоог хурааж дуусаад борлуулах ажил үргэлжлэн  явагдаж байна. Тус ажил үйлчилгээ явуулахад  цаг агаарын байдал  таатай нөлөөлсөн.

 Цаг агаарын нөхцлийн онцлог:

• Энэ 10 хоногт зарим сумдын нутгаар 0.7   мм  тунадас орсон.
• Бог мал хээлтүүлэх ажил явагдаж байна. Зарим сумдаар энэ жил мал тарга тэвээрэг муу авсан, бэлчээр нутгийн хүрэлцээ, даац муу байгаагаас малаа хээлтүүлэгт оруулахгүй байх, эсвэл оройтож оруулах талаар малчид мэдээлж байна.
• Энэ 10 хоногт цаг агаар тогтуун дулаахан байлаа.

Тойм мэдээ бичсэн ХААЦУС-ын ахлах техникч  Ж.Жаргалзаяа

 2023 оны 10 дугаар сарын 21-нд