2022 ОНЫ ТАВДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч арав хоногт Их нууруудын хотгорын болон Алтайн өвөр говийн сумдын нутгаар агаарын дундаж температур 11.7-16.4 градус, өндөр уулын сумдын нутгаар 7.9-12.2 градус дулаан байсан байна. Агаарт хамгийн их температур Их нууруудын хотгорын болон Алтайн өвөр говийн сумдын нутгаар өдөртөө 24-29 градус, өндөр уулын сумдаар 21-24 градус дулаан, Агаарын хамгийн бага температур  Их нууруудын хотгорын болон Алтайн өвөр говийн сумдын нутгаар шөнөдөө  1-3 градус хүйтэн, Өндөр уулын сумдаар 4-7 градус  хүйтэн байжээ.

 Хөрсний температур(Soil temperature): Нийт нутгаар хөрсний дундаж температур 14-22 градус дулаан байв. Хөрсний гадрага дээр хамгийн их температур  өдөртөө нийт нутгаар 45-58 градус хүрч дулаарсан бол хамгийн бага температур шөнөдөө  2-6 грудас хүйтэн байсан. Хөрсөн дээр +40 градусаас дээш гарч халсан өдөр нийт нутгаар 5-10 өдөр Жаргалант, Манхан суманд 10 өдөр ажиглагдсан байна.

 Хур тунадас(Precipitаtion): Энэ арав хоногт нийт нутгийн 40 орчим хувийг хамарч 4.4 мм хур тунадас орсон. Орсон тунадсыг сумдаар авч үзвэл: Чандманьд 2.5 мм, Ховд суманд 1.2 мм,  Жаргалантад 0.6 мм, Үенчид 0.1 мм, Дөргөнд 0.0 мм тунадас орсон байна. Бусад сумдын нутгаар тунадас ороогүй.                                                                                                                         

Салхи(Wind): Өнгөрөгч арав хоногт нийт нутгаар салхи шуургатай байлаа. Салхины их хурд    Манханд 27 м/с, Мөнххайрхан, Ховдод 24 м/с,Чандмань,Зэрэг, Мөст сумдад 20-23 м/м, Жаргалант, Эрдэнэбүрэн, Мянгад, Дөргөн, Булган сумдад 16-18 м/с  хүрч  хүчтэй шороон шуурга шуурсан бол бусад  сумдын нутгаар секундэд 12-14 метр хүрч зөөлөн явган шуургатай байлаа.

Ургамал(Plant):Нийт сумдын нутгаар бэлчээрийн төлөөлөх ургамал  болох хялгана, хазаар, агь, шарилж цухуйлт жигдэрсэн байдалтай байна. Ургамлын дундаж өндөр1-4 см

ургамлын ургалтын байдал ихэнх нутгаар муу гэсэн үнэлгээтэй байна.Энэ нь хөрсний чийг багатай, халуун хуурай салхитай, хөрсөн дээр +40 градусаас дээш олон хоног үргэлжилснээс ургамлын ургалтанд таатай биш нөлөөлж, ургамлын ургалт удааширалтай байна.

ХАА-н үйлдвэрлэлд явагдаж байгаа ажил:  Нийт  сумдаар бод мал төллөх,малын хөөвөр хялгас авах,  4 дүгээр сарын 20-с хойш ямаа самнах ажил уулын сумдаас бусад сумдад эхэлсэн. Тус ажил явуулахад цаг агаарын байдал дулаахан таатай нөлөөлсөн.

Нийт нутгаар агаарын харцангуй чийгийн дундаж 23-35%-ийн чийгтэй хэт хуурайшилтай байгаагаас гал түймэр гарах өндөр эрсдэлтэй байна. Иймээс нийт ард иргэдийг гал түймрийн аюулаас болгоомжтой байхыг зөвлөж байна.

 Цаг агаарын нөхцлийн онцлог:

• Нийт нутгийн  40 орчим  бороо орлоо.
• Хөрсний гадрага дээр 40-ээс дээш гарч халсан өдөр нийт сумдад 8-10 өдөр ажиглагдсан.
• Салхины их  хурд  нийт нутгаар секундэд 12-27 метр хүрч шуурсан.
• Бэлчээрийн ургамал нийт нутгаар цухуйлтын үе шат эхэлсэн.
• Нийт нутгаар агаарын харцангуй чийг бага,  хэт хуурайшилтай, гал түймэр гарах өндөр эрсдэлтэй байгааг анхаарна уу.

                      Тойм мэдээ бичсэн ХААЦУ-ын техникч  Ж.Жаргалзаяа                                             

 2022 оны 5 дугаар сарын 16-нд